കൊച്ചി: ജിയോ സിനിമയിലെ ഐ പി ല്‍ കാഴ്ചക്കാര്‍ക്കായി നടത്തുന്ന ജീതോ ധന്‍ ധനാ ധന്‍ മത്സരത്തിലൂടെ ഇതുവരെ 36 പേര് കാറുകള്‍ സമ്മാനമായി നേടിയതായി ജിയോ അധികൃതര്‍ വ്യക്തമാക്കി. 68000 പേര്‍ക്ക് മറ്റ് സമ്മാനങ്ങളും ലഭിച്ചു. ഏപ്രില്‍ 8 ന് ആരംഭിച്ച മത്സരത്തില്‍ 44 കോടി ആളുകള്‍ പങ്കെടുത്തു.മണിപ്പൂര്‍, ജാര്‍ഖണ്ഡ്, ഹരിയാന, ത്രിപുര, ജമ്മു ആന്റ് കശ്മീര്‍, മധ്യപ്രദേശ്, പഞ്ചാബ്, കര്‍ണാടക, തെലുങ്കാന , ഡല്‍ഹി,ഗുജറാത്ത് തുടങ്ങി ഇന്ത്യയുടെ പല ഭാഗങ്ങളില്‍ നിന്നുമുള്ളവരും ഇതുവരെയുള്ള മത്സരങ്ങളില്‍ വിജയികളായി.ജിയോസിനിമയില്‍ ടാറ്റ ഐപിഎല്‍ കാഴ്ചക്കാരുടെ അനുഭവം കൂടുതല്‍ മെച്ചപ്പെടുത്തുന്നതിനാണ് ജീതോ ധനാ ധനിലൂടെ  ലക്ഷ്യമിടുന്നത്. ഓരോ മത്സരത്തിലും  കാഴ്ചക്കാര്‍ക്ക് സ്മാര്‍ട്ട് വാച്ചുകള്‍, ബ്ലൂടൂത്ത് സ്പീക്കറുകള്‍, വയര്‍ലെസ് ഇയര്‍ഫോണുകള്‍ എന്നിവ പോലുള്ള സമ്മാനങ്ങളും  എല്ലാ മത്സരത്തിലും ഒരു കാര്‍ വിജയിക്കാനുള്ള അവസരവും വാഗ്ദാനം ചെയ്യുന്നു.മത്സരത്തില്‍ പങ്കെടുക്കാനായി കാഴ്ചക്കാര്‍ പോര്‍ട്രെയിറ്റ് മോഡില്‍ ഫോണ്‍ പിടിക്കേണ്ടതുണ്ട്. സ്‌ക്രീനിന്റെ അടിയില്‍ ഒരു ചാറ്റ് ബോക്‌സ് തുറക്കും, അവിടെ നാല് ഓപ്ഷനുകള്‍ക്കൊപ്പം ഓരോ ഓവറിനും മുമ്പായി ചോദ്യം ദൃശ്യമാകും. മത്സരത്തില്‍ ഏറ്റവും ശരിയായ ഉത്തരങ്ങള്‍ നല്‍കുന്ന കാഴ്ചക്കാര്‍ക്ക് സമ്മാനങ്ങള്‍ നേടാനും സാധിക്കും.